LUDIJA

Ixarloka onetan

Itzartu begijak,

Eta ikusikoguz.

Zelai ta mendijak,

Euretan eregita

Erri ta urijak,

Eta onen ganera

Ainbat baserrijak.

Urak biar badira

Dagoz iturrijak,

Baita toki askotan

Erreka ta ibayak.

Solo ta larra barriz

Guztiz ugarijak,

Eta toki askotan

Zugazti andijak.

Basuetatik datoz

Egur sugarrijak,

Bedar, ira ta ota

Ganera sasijak.

Ortik eta emetik

Abere andijak,

Eta tayu askoko

Pizti ta txorijak.

Itxasalde guztijan

Arrain ugarijak

Margo bardingak eta

Andi ta txikijak.

Lurrikara gogorrak,

Eta garmendijak,

Onexek bai dirala

Ikaragarrijak!

Erri askorentzako

Ondamengarrijak,

Sarri entzuten dira

Olako barrijak,

Eta ikusten doguz

Kalte mingarrijak,

Etxe asko puzkatu

Birrindu mendijak,

Jazoera onekaz

Ondatu sendijak;

Lan onek darabiltzaz

Sarritan Ludijak.

Itxasuetan bere

Aldatze andijak

Bake-egunak eta

Aserre aldijak.

Eta zertzuk dituguz

Guk alaigarrijak?

Elixetan egiten

Diran eskarijak,

Maitiagaz baketzu

Juan-etorrijak,

Jateketa eztitzu

Atsedengarrijak,

Neketuta egiten

Diran loaldijak,

Ezkondu ta geroko

Ibilte alayak,

Andik, ortik, emetik,

Ikusten errijak.

Ludijan ibilteko

Burdi, zalpurdijak,

Burtarin ta suburdi,

Ta itxasontzijak,

Eta orren ganera,

Goiko egazkijak.

Beruak eta otzak

Ludiren ganian,

Leyak ardatz-ertzetan,

Beruak tartian.

Neguba alde baten,

Udia bestian,

Udazken, udabarri,

Euren bitartian

Otzik ez bero bako

Urtaro maitian.

Olan guaz aurrera

Betiko lanian,

Eta jarraitukogu

Lurpetu artian,

Jainkok ixentariko

Bide zuzenian.

Gixadijetan dagoz

Bardingak diranak

Zuri, ori, baltz eta,

Asko baltzeranak.

Laburkotiak batzuk,

Bestiak luzangak,

Emendik bixartzubak,

Ortik bixarbagak;

Zur-luzedunak eta,

Ainbat zurzapalak,

Batzuk guztiz baketzu,

Bestiak okerrak,

Nunbait zorijonian,

Baita eztabadak;

Aurrez arpegi-argi,

Atsetik illunak;

Geyenok gara emon,

Guztiz andigurak;

Baña, arin juakuz,

Ludiko egunak.