ITXASUAN,
AMERIKATIK ETXERUTZ

Ai neure bijotzeko kutuna!

    Ai jayoterrijal

Urrunago ta lastanago dan

    Ai maitagarrija!

Geure aitamak sortu genduzan,

    Ai euzkel tokija

Zugaitik beti emongo geunke

    Guk geure bixija!

Itxasuetan bixibidia,

    Uraren ganian,

Gogorrena ta neketzubena,

    Da gixonartian.

Ekaitz indartzu mingarrijakaz,

    Dagoz galbidian,

Eta ganera, urrikerija,

    Euren ixatian.

Bultza ta bultza, aixe ongille,

    Atsegingarrija,

Bultza ta bultza, igaroteko,

    Itxaso guztija.

Aixe-oyalak, aixez beteta,

    Aurrera ontzija!

Ikusi daigun, alik ariñen,

    Geure baserrija.