JOSETXO ITXASTARRARI

                («Josetxo»n)

Ekin Josetxo lanetan,

Ebagi sendo bedarra,

Bene-benetan,

Biar orretan,

Eztirudik itxastarra.

Basoratu artaldia

Eguneroko goixetan,

Artzain bat legez

Eu abil eurez

Baserritarren lanetan.

Ardijak itxi ta gero,

Mokillak joten solora,

Mokillak jota

Bazkaldu eta

Orbelak batzen basora.

Noizik bein aldenduten az,

Zugatzen kerispetara,

Etzanta bian

Bedar ganian

Dakik egoten erara.

Itxasuetan eztagoz

Emeko mokil-jotiak,

Baña bai asko

Negargarrizko

Galbide ta naibagiak.