IZIARTXORI

Uso polita, euskal-mendiko

        usotxo zuri-garbia...

Noletan, ai!, or mirotz-artean

        jarri zenduan kabia?

Negarrez zaude...! Ez or arkitu

        uste zendun zorionik?

Mirotzak ez du usoarentzat

        maitasun-laztan gozorik.

Autsi lenbaitlen kezkaz t'oñazez

        lotzen zaituzten kateak;

utzi betiko zorigaiztoan

        artu zenitun bideak.

Atoz, mirotzak lotan daudela,

        atoz, laixterka mendira,

oraindik ere beroa dagon

        zure baserri-kabira.

Iturritxoan antxe dauzkatzu

        zure zai beste usoak,

zuzen zerurontz egan-eiteko

        zabal-zabalik egoak.