BERGARAKO JESUS GURUTZETUARI

                        Euskal-Esnaleak 1926ean saritua

Atoz, Bergarara, atoz,

euskaldun zintzoa,

zugatik ia illean

ara or Jainkoa...

Atoz, gurutz-albora

negarrez gaxoa.

Besoak zabal-zabal

zure zai, begira:

bere lau zauri oiek

zuretzako dira...

Ia itzali da bere

begien dirdira...

Il baño len, ai Jesus!,

beira zure Errira.

Jesus, Zugandik urrun

ai!, ibilli gera,

kabitik iges dagin

txorian antzera...

Orain Zugana gatoz

Zure gurutzera...

Gure maitasun-kabi

beroa Zu zera.

Oñazez, ai!, josirik

gurutz latz orretan,

ta alare Aitarekin

gure alde izketan...

Iñork ez gaitu, Zuk lez,

maite ain benetan...

Gure biotzok gorde

Zure zaurietan.

Zugan bakarrik dago

zorion-eztia,

Zu zera-ta Zeruko

zorun-iturria...

Zugandik urrun, berriz,

itxaso nasia...

Asetu Zuk, ai!, gure

Zorun-egarria