AITONAREN OTOITZA

Pipa erretzen exeita zegon aguretxoa

        Besper'ondoren eliz-aurrean:

dantzara doan illoba Malen andik digaro

        ta aitonak dio bere artean:

«Ire begitan daraman, neska,

        udako gauen argia,

ta ire ezpaiñetan, basoetako

        marrubiaren gorria.

Udabarriko egunabarren

        garrak, ire betartean...

Begi guziak beti ireganontz

        igande-arratsaldean...!

Ez baditen, ba, oiek ikusten

        nik bezela, ire biotza:

ire barrengo beazunezko

        itsaso nastu mingotza...!

            * * *

Eta txapelan pipa gordeta

        Jaungoikoaren etxera...

Bere illobatxo txoruan alde

        negarrez otoitz-eitera