AURTXO BATEK MARIARI

Lore zalea zera,

    ene Amatxo?

Orra, bada, zuretzat

    iru sortatxo:

iru sortatxo txuri,

    gorri ta ori...

Zuretzat bildu ditut...

    Amatxo, tori.

Zuretzat oiek biltzen

    zelaitik-zelai

ibilli naiz gaur, Ama

    pozez eta alai:

t'ederrenak artuta

    nator Zugana...

Beroikin artu nere

    muiñ ta laztana

Loretxu oiek ortxen

    zuri begira

beti egon, ta pozez

    ortxe ilko dira...

Loretxu bat nai nuke

    izan nik ere,

ez eiteko Zugandik

    alde beñere.

Gaizto asko omen dira

    bazter oietan...

Beti maiteko zaitut

    nik bai benetan.

Zurekin bizi beti,

    beti Zu maite...

Nere Ama kutuna

    beti izan zaite.

Gaurtik, Ama, zuretzat

    nere bizitza,

Zutzat nere biotza

    et'eriotza