JESUSEN BIOTZARI

                        «Quis dabit mihi pennas sicut columbae...»

Egan dijoaz usotegirontz,

egan dijoaz usoak,

ta Zure Biotz-barrura doaz

maite zaituzten gogoak.

Beti irikita zabal-zabalik

usotegiko leioak...

ta Zure usotxo ego motz onek

ezin aruntz jo gaxoak...!

Ai!, onek ere, Jauna balitu

aiek dituzten egoak...!

Orduan, ziñez, lagako luke

errekaldeko zelaia,

ta ain maite duan oraingo bere

usotegitxo alaia.

Utziko luke, ziñez, alako

mirua dagon basoa,

ta paga-usoak bildu oi diran

mendiko iturritxoa.

Amaika bider Zure Usoekin

abiatu da Zugana...:

Ai!, ler eginda bela bidean

gelditu bear, au lana!

              * * *

Egan dijoaz Usotegirontz

egan dijoaz Usoak...

Ai!, onek ere, Jauna, balitu

aiek dituzten egoak...