BAI ERRI GAXOA...!

Castilla-aldetik Euskal-Errira

        natorren guzian,

naigabe illun bat sortzen zait beti

        biotzan erdian.

Ai!, gure Euskera t'oitura zarrak

        igesi dijoaz...

Bildur naiz laister ez ote geran

        aztuko Jainkoaz.

Geok, Euskera t'oitura zarrok

        uxatzen ai gera,

txori lapurrak garitik uxa

        oi diran antzera.

Baña, zergatik? Zergatik ote,

        ene Jaungoikoa?

Noletan ote nai degu galdu

        gure izen zintzoa?

Euskal-Erria Euskerik gabe...

        bai Erri gaxoa...!

Masti orritsu ederra baña...

        matsik gabekoa,

Loretegian il eta agortu

        dan iturritxoa...