ARTZAITXOA

              I

Menditik dator artzaitxoa

negar ta negar gixaxoa;

bildots ta ardiak bitartean

mendian goian jolasean.

Muñotan urtu da elurra,

t'eguzki-jantziz jantzi lurra,

zelaiak lorez josi dira,

guztiok igo nai mendira...

Eta negarrez artzaitxoa

menditik bera nolaz doa?

Zer du gaxoak, zer ote du?

Ardi maitea nunbait galdu?

Ala bat-batez ardokian

otsoa sartu bart, agian...?

Ara... Euzkiakin bat-batera

bi artzaintxoen txabolera

bi aingerutxo zuri-gorri

egunabarran gaur etorri,

ta gaxo zegon artzaitxuak

ikusi ditu aingeruak,

ta iruok egan egiñez

igo Zerura atsegiñez.

Ez izan nunbait ludia

aingeruentzat egokia...!

              II

Menditik dator artzaitxoa

negar ta negar gixaxoa...

Bestea, berriz, artean,

aingeruekin jolasean...!