GURE ERRIA

Basetxe zuri

ta alaiak an-or

muño ta ibar zabaleran,

an-or larrean

etzanda dauden

arkume zurien eran;

mendi goi-goian

laño tartean

arrizko artzai-txabola,

ta mendi-zear

su-gurdi beltza

ke ta garra dariola;

etxe pilla bat

alkarren gainka

eleiz-nagusi ondoan,

umeak egon

oi diran eran

beren amaren alboan;

nun-nai jauregi

eta tximini

luzedun ola lantsuak,

ta tximiniok

baño gorago

gure eleiz zarren buruak.

T'erriok zaintzen,

artzaiak bere

artaldetxoa bezela,

mendi sendoak

beren tontorraz

ortzea jotzen dutela.