Hogoita hamekagarren Ikasgaia

BERJABETZEARI

 

LEHEN GUDAKETA

      Nabarrako errege dohakabeak onez onean nahi izan zuen behin bere erresuma bildu; bainan laster ohartu zen ez zela deus egitekorik. Orduan, Frantsesak lagun, Iruñarat buruz joan zen, ez ordea aski zalu: Españolek haren ohiltzerat edo kasatzerat jiteko aitzina ukan zuten.

 

BIGARREN BORROKA

      Ferrando errege ohoina hil zelarik (1513), berriz jazarri ziren Nabartarrak, Garaziz jabetu ere; bainan Villalba koronelak garaitu zituen Errokarin.

      Hor hartuak izan ziren Pedro Nabarra, Petri-Sanz Bereterra, Pedro Lakarra eta bertze asko buruzagi bihotzdun, Españolek basaki erabili zituztenak.

      Joanes Albretekoa Biarnon hil zen, Iruñan ehorztea galdatzen zuelarik (1516).

 

HIRUGARREN ASALDUA

      Espainiako errege berriak bere jabeari bihurtuko ziokeen Nabarrako erresuma, Españolek utzi balute; bainan hauk ez baitziren arras hortarik ari!

      Frantzia eta Espainiaren arteko gerla piztu zelarik, Iruñarrak asaldatu ziren hirugarren aldikotz: Albreteleo Henri bigarrena sartu zen bere hiri nausian; bainan gero Noaineko gudua galdu zuen eta Baxenabarrerat ihes joan behar izan.

 

AMAIUR

      Orduan Nabartar zintzoek azken gudu miresgarri bat erauntsi zuten, Amaiurko gazteluan. 1522ko uztailaren 19 arte berrehun gizonek iraun zuten, armada oso bati ihardoki nahiz, ez ziotela Nabarraren nausitsunari neholaz ere uko egiten ahal.