Hamahirugarren Ikasgaia

GOTAK

 

HEGOALDEAN

      Hego aldean ere, Gotak Espainian nausi izan zireno, urte dorpeak iragan zituzten Eskualdunek.

 

BORROKAK

      581ean Leobigildek hartu zuen Arabako hiri nausia: Gazteitz; 612an berriz Sisebutek Errebera, Nabarran. Bainan Eskualdunek ordaina bihurtu zioten: hala nola 653an, Rezezbinden kontra Froia jazarri zelarik, hunen alde jarriz eta Goten erresuma odol eta sutan emanez.

 

VANBA

      Guduka bortitzenak Vanbarekin izan zituzten, 672an: Iruña ere galdu zuten. Ez beharrik hainitz urterentzat. Ezen badakigu Rodrigo erregea hiri hori berriz bildu nahiz ari zela, Afrikatik jautsi zitzaizkolarik etsai ikaragarrienak: Moroak (711).