Hogoita bortzgarren Ikasgaia

PUSKETAN

 

ESKUAL HERRIAK

      Hamahirugarren mendeaz geroz, gure hutsen eta bertzeen hisiarengatik, gure Herria desegina eta zatitua dugu.

      Halere orduan, zati bakotxak, eskualde bakotxak, ala berez berean ala bertze herri bati zatxikola, bazaukan oraino bere nausitasuna.

 

NABARRA

      Nabarra lehen bezalako erresuma bat zen, bere erregearekin; bainan anaietarik berexia eta, errege arrotzen menean, errekarat zoana.

 

BIZKAIA

      Bizkaiak ez zuen nehori deus galdatzen, bere Jaun eta Batzar berezieri baizik.

 

GIPUZKOA ETA ARABA

      Gipuzkoak eta Arabak Gaztelako errege onartzen zuten, bainan esku guti uzten zioten: bakotxak beren Biltzarrak bazituzten.

 

LAPURDI ETA XUBERO

      Lapurdi eta Xubero hiru mende egon ziren Inglaterrarekin, frango ontsa elgar aditzen zutela, gure arbasoak haizu baitziren beren auzien berek xuritzerat.