Hogoita hamargarren Ikasgaia

SALDUAK

 

FOIXTARRAK

      Blankaren ahizpa Leonor, hamabortz egun erreginatu zuen harek ilobaso bat utzi zuen, Frantxoa Ederra deitzen zena. Ama lagun, nahi izan zituen Agarramontes eta Bomontesen arteko makurrak xuxendu; zorigaitzez goizegi joan zen (1483).

 

SALTZALEA

      Frantxoaren arreba Kattalinek eta hunen senar Joanes Albretekoak kanpo eman zuten Leringo kondea, Bomontesen buruzagia. Bai eta hau joan Gaztelako erregearenganat laguntza galdez.

 

OHOINA

      Ez zuen bertzerik nahi Ferrando Gaztelakoak: laguntza estakuru, Albako dukea igorri zuen Leringo kondearekin Nabarraren ebasteko.

 

OHOINTZA

      Albako dukeak bazuen aspaldian zernahi soldado bildurik. Iruñan sartu zen 1512ko uztailaren 24an. Nabarrako erregeak ihes egin zuen Biarnorat. Tudela hiriak ederki ihardoki zuen buruilaren 9raino, bainan debaldetan.