Sagarroiak
Sonia Gonzalez

Euskaltzaindia / BBK, 2002

 

 

PELIKULETAN BEZALAXE

 

Leihotik behera botako ditut

zure gauza guztiak

                            zureak zirelako

     lekua neureganatu behar dut.

Pelikuletan daukat ikusia

zelan egin behar den

                            askozaz ikusgarriagoa izango da

                            pardela atean uztea baino,

                    —nahi dut denek jakitea—

 

Lehenengoz arropa

                     praka bakeroak (beltzak)

                     alkondarak (gutxi)

                     kamisetak (manga labur eta luzekoak)

                     galtzerdiak

                     slipak (bat gordeko dut)

 

Kajoiak hustuko ditut gero

                     zapiak

                     agenda: hitzordu, eginbeharreko eta telefono guztiekin

                     amak oparitu zizun luma garestia

                     inoiz erabiltzen ez duzun diruzorroa

                     eta erloju pila bakoa

 

Eta, azkenik, gehien disfrutatuko dudana

ispiluaren parean

                      erretratu eta argazkiak

                      leihotik behera

                      txikitu egingo ditut

haizeak eramanak

gure okerraren arrasto nimi˝orik ere

espaloian gera ez dadin

 

Sagarroiak
Sonia Gonzalez

Euskaltzaindia / BBK, 2002