HITZ PARE BAT

 

Hitz pare bat soilik esateko

sagarroiak itzuli egin direla.

 

Salta-saltoka ibiltzen zara

Varadero kopa hark bustitako

aingeru-hegalak eragin nahiean,

ile gorria solte.

 

Baina hitz pare hau

Saharan uholde bat bezain

ulertezina da,

zure desexistentziatik,

haragirik gabeko tropoek

aditzen ez omen dutelako.

 

Amets arraro baten izerdi hormatua zara orain,

altxatu eta, kaleko obrak direla eta,

ur barik utzi nautelako antzeko

ezintasun eta amorru sentsazioa zara orain.

Bai, tropo traketsa zara orain.

 

Eta hori ez da nahikoa.

Beldur naiz arantzak egunen batean

desagertuko ote diren.

 

Orain nire ilea odol kolorekoa da,

gorri horrek buruko pentsamenduak

                    zugandik hurbilago mantenduko al ditu?