ZURE FALTA

 

And I try...

 

 

Zure falta?

 

 

 

Izaren arteko arantzak

                      eraman itzazu, arren,

                      gorputz urratua apurka osatuko dut;

goizeko madalenak bustitzeko malenkonia ere bai,

                      gogaitu naiz dagoeneko zure begien tristeziaz;

fereka bakarti galdua

eraman ezazu,

                      ez dut limosna beharrik,

filosofia klaseak eta

The Rollings-en diskoak

 

                                                        —I can get no satisfaction

                                                                              with you—

Hori guztia motxila batean bildu

motxila besapean hartu

eta, mesedez, irtendakoan

atea danbatekoz zarratu

                       jadanik joan zarela

                       ondo kontura nadin.

 

 

 

 

Zure falta...

Gure akatsa