Sagarroiak
Sonia Gonzalez

Euskaltzaindia / BBK, 2002

 

 

TXAKURRIK GABEKO OKUPA

 

Egunak besterik gabe igaro behar direla

erabakitzen den unean

desegiten da haurtzaroa.

Inoiz heltzen ez den biharko egunean

ezarri nuen itxaropen oro

gaurko eguna apartekorik gabe igaro

behar dela

ulertu nuenetik.

 

             Baina biharko eguna gaur da eta dena dela

                          Poemak fagozitatzeko tren-geltoki gehiagorik

                                           ez. dute eraiki

                          Notak mugatuak izan arren

                                            ez da musika oraindik amaitu

                          Eguzkiak joten du

                                            soilik eta egun eguzkitsuetan

                          Eta heriotza oraindik da narrazti

                                             arraro ezezaguna.

 

             Eta biharko egun honetan

                           telefonoak isilik dirau.

 

Zelan adierazi

         biharko egun honetan oraindik

txakurrik gabeko okupa sentitzen naizela

jakinda zu

okuparik gabeko txakurra

sekula

ez zarela sentitu?

 

Sagarroiak
Sonia Gonzalez

Euskaltzaindia / BBK, 2002