ODOLA (lagunak V)

 

Zure dena:

 

                Hegabera ibilkera

                begien oroimin urduria

                ozpin egarria

                arropa koloretsua eta

                                                   medietako karrerak

                irribarre lotsagabea

                eskuen dardara

                         [...]

 

Kontzientzia ausiki eta

kandela baten laguntzaz

ondo nahastuko dut koilaran

                   —geuretzako omenaldi pribatua izango da, laztana—

eta orratz egartsuak dena xurgatuko du

zigarreta-ahokoan zehar.

 

Orain zure dena odolean darabilt.

Orain odoletik zabilzkit,

laguna,

zauden lekuan zaudela.