BETE ITZAZU HUTSUNEAK

 

                             Zuk ni bazintut, nik zu nindukezu

                                           elkar genuke

 

 

Praxis minutu lapurtu batek

24 ordu bete litzake sintaxi-adibidez

 

Ez eskatu gorde zaitzadan pentsamenduan

 

X-barraren teoriaren inguruan

                        zangalatrabatzen zaizkit hitzak,

gaur goizean zure gerri-bueltan

                        ez zangalatrabatutako aditzak.

 

Ez eskatu gorde zaitzadan pentsamenduan

 

Dena gainezkatzen duzu:

           nire bertsoen ergatiboa

           zure metaforaren absolutiboa

           gure izenordeen genitiboa

 

Ez eskatu gorde zaitzadan pentsamenduan

 

           zu:baldintza hipotetikoa

           zu: ahalerazko trinkoa

 

Ez eskatu gorde zaitzadan pentsamenduan

 

Praxis minutu lapurtu batek

24 ordu bete litzake sintaxi-adibidez

 

Badakizu bertan zaudela