ASMAKIZUNA

 

Gelatik kanpoko polikromia beltza

beiratu bada ere,

izaren artean

oraindik barrunta daiteke zure

azalaren sinadura.

Hamahiru urteko fan obsesoen antzera

sentitzen naiz

zure autograforik kutunena osatzen duen

ohe-tolesduren kaligrafia mirestean.

Esanahi izkutua utzi duzu,

hieroglifiko bat,

neuk bakarrik asma dezakedan

asmakizuna.

Denbora mugatua daukat

deitura majiko hori igertzeko

harik eta dutxatik indarberrituta zatozen arte.