PUREPETXAK

 

Ekialdeko begiok desohitzen dituzte

milaka kolore ezinezko hezurdurek,

mariatxiz jantzitako eskeletoak dira

salmahaietan.

Purepetxak jaietan daude.

Kobrezko aurpegiak salmahaien aurrean.

Lauko borobilak egin dituzte

marroaren erritmo astun neurtuaz,

marroaren oihartzunaz.

Taraska ordokian lau buelta,

lau kolore majiko,

lau erritmo sakratu,

jokorako pilota ixotu bitartean

itzuliko dira hildakoak

beren aldare jada prestatuetara.

 

Vasco de Quiroga apezpikua oraindino present

enparantza erdiko estatuan.