ZALANTZA

 

Neskato bat geltokian, ortodontzia estreinatu berria,

nasan gelditu den trena etxera eramango duena

             ote den

                         ez dakiela;

Teila apurtu bat, ekaitza ekarri zuen bart,

etxeko teilatu gorrian oreka jokoak eginez

             bai eroriko

                          ez eroriko;

Itsasoari begiratu gelako behatokitik eta

ez igarri arrastiriak zer dakarren

             marea gora

                           marea behera.

 

Hortxe zer den zalantza niretzat.

 

A! eta zure ezpain odolbiziak,

musukatuak izan nahi duten ala ez,

ezbaian.