Noizteinka
Itxaro Borda
Maiatz, Uhargi 49, 2007ko urria

ORAGARRE UDAN

Jabal dabil zaina

Nola maite dudan

Hor dela ekaina

Oragarre udan!

Egunen erdiko

Oreka isila:

Dirudi betiko

Mina dela hila.

Ekia behari,

Haize hatsa edo

Ainara kantari:

Airea da geldo.

Mundua ibiltzen

Doa daldar kaldan

Ardi batzu biltzen

Haritzaren maldan.

Non da heriotza

Ekaina minean?

Bake zait bihotza

Herri saminean.

Jabal dabil zaina

Nola maite dudan

Hor dela ekaina

Oragarre udan.

Noizteinka
Itxaro Borda
Maiatz, Uhargi 49, 2007ko urria