|
Noizteinka METAMORFOSIS Denborarik gabeko denbora isurtzen doakio. Etengabeko isiltasunaren taupa elkorrek Gorputza setiatzen diote. Delphesen, harri eroriak Argiarekin nola jostatzen diren Miresten du zoraturik, Eta Fedriades mendi urreen maldan Belaunikatzen da: Etengabeko isiltasuna kolpatuko Ez lukeen hizkuntza bat bilatzen du Idazbizitzen jarraitzeko, Maitasun emearen zilarrezko duda, Beldurraren karkara gelbera Eta denboraren agortze esperatua. Deklinabideak eta aditzak hautsiko lituzke, Tristeziaren ohitura akigarriegiaz Biluzteko. Hitzak ez daitezela errepika, Edo oihar araz ditzagula zauria saihestuz! Aditzaren egiatik mintza nadila, Ebazten du Sphinxaren lokarri hutsaren parean: Delphesen dago eta badaki Zerbaitek barneko Alor agorrak Iraultzen dizikiola.
Noizteinka |