Noizteinka
Itxaro Borda
Maiatz, Uhargi 49, 2007ko urria

OTSOZELAI

Argia itzali da.

Harriak ferekatzen ditut.

        Ilunbeak ez du mugarik,

                Ez du sinesterik,

                Ez du trabarik,

Ez du edertasunaren eredurik.

Argia itzali da.

Begiak ditut eta itsu naiz.

Belarriak ditut eta elkor noa.

Bideak ditut eta pentsuaren

        Ohizko errepide

        Sarraskituetarik nabil.

Hitzak ditut eta mutu nago:

Zergatik ez dut erran sekula

        Nintzena nintzela?

Argia itzali da eta

Gau beltzaren gorputza

Laztantzen dinat

        Hirea bailitzan.

Noizteinka
Itxaro Borda
Maiatz, Uhargi 49, 2007ko urria