|
Noizteinka Lili negarrez dago Western Union mandata amari Igortzen dion aldi oroz. Hiru urteko alaba Lanbarene aldean Utzi eta etorri da Europara sehi: Nere printsesarentzat da Auhenkatzen du, Malkoak zehargi isurtzen Zaizkiola Matela beltzetan behera. Menaiak egiten ditu, Ez dauka baimen paperik, Beltzean ari da lanean Eta Sarkozyren lege berrien Arabera kanporatua Izan daiteke. Ez du Lanbarenera Itzuli nahi oraindik: Ez du dirurik aski irabazi Hiru urteko alabaren Geroa finkatzeko. Anartean, Laidostatzen dutenean Ideia beltzak dauzka Eta mundu zuriaren Bekaizkeria Erreko luke Gogotik. Nere printsesa Ahoskatzen duenean Liliren begiak Beltzatzen dira, Ikatza bezala. Oroitzen naiz Nik ere, Lilik bezala, Nere printsesatik urrun Neramazkien Urteetaz.
Noizteinka |