Noizteinka
Itxaro Borda
Maiatz, Uhargi 49, 2007ko urria

        Sarraskitik jezartzen da argia.

Anitzetan nere bortitzaren ondorioz

Kolpatua, edo bere ekin propioaz hautsia,

Eraso zorian

        Kuskatzen dena,

                Bestea da.

                Amodioaren korapiloa

Handi egiten gaituen sufrikario harroaren

Haraindian dago,

        Ukaraia apaltzeko

        Keinu ustez umiliagarrian

                Hain zuzen.

                Norberaren miseria

Sakonaren ezagutzak

Ahalkerik ez dakarrela

                Sinesten du:

                        Deus ez izan,

Ukaturiko osotasunean

Leku dukedan borda bat

                Atzeman dezadan.

                Deus ez izan,

        Berantets mutu baino.

Noizteinka
Itxaro Borda
Maiatz, Uhargi 49, 2007ko urria