|
Noizteinka Luzaz ibiltzen baldin bazara Mugara helduko zara, Eta jadanik paperik, Hizkuntzarik Eta adiskiderik gabe Kausitzen zarela ohartzean, Ikusten ez den marra Pasatuko duzu. Luzaz ibiltzen baldin bazara Mugara helduko zara, Eta zure sinesteak, Bizitza herresta bateko Zazpi engainu onartu bailiran, Zedarrien urrakorik Odol ttantta idortzen Ikusiko dituzu. Luzaz ibiltzen baldin bazara Mugara helduko zara, Eta beldurrez iltzatua, Lagunak non dituzun galdezka Etsituko zara, Baina inor ez dagoke Altzairuaren eraztunak Tinkatu distira hitsaren Erreinuan. Luzaz ibili ondoan eta ortzemugara Heltzean, sekula ez bezala, Dolorez urtuko zara Baina gibelera itzultzeko Borondaterik ez dukezu.
Noizteinka |