Noizteinka
Itxaro Borda
Maiatz, Uhargi 49, 2007ko urria

EGUERDIKOA

Eguzkiak erre du lautadaren hotza

Haritz biluziaren abarrak bananduz:

Hegalda joan zait arraiki bihotza

Papo eskainiaren legoak laztanduz.

Ekirantz ibiltzea dut gaur erabaki

Kopeta sutan eta kaskoa zohardi:

Amodioa zer den egiazki banaki

Zeharkatuko nuke milaka belardi.

Kuskandel alferraren ibilera hotzak

Dardara arazi du hormaren lasaia,

Gatibatzen nauela begirada motzak.

Oihan ilun trinkoan bilatuz pasaia

Eguzkira naroa intzirien hotsak:

Maite dut hezearen kolpeka nasaia.

Noizteinka
Itxaro Borda
Maiatz, Uhargi 49, 2007ko urria