|
Noizteinka HILKO NAZ II Kafea edan eta hire SMSa Irakurtzean Bitoriano Gandiagak Behin idatziriko Hilko naz Deiadartu dinat, Hilko naz hilko naz hilko naz Ad libitum. Amets gehiegi urraturik Alabaina, huts eta hits Abesten jarraitzen ninan Ad libitum Hilko naz eta erraiak Hondartzan ustelduko jatzat Maite barik Hire irriaz Gogoratzen nintzela, Iluntzeko adiztegi amorosaz Eta gorputzen Deklinabide eztiaz Ad libitum Hilko naz hilko naz hilko naz Eta Arantzazuko gainetan Oteizak harriak zizelkatzen Zituela Elurrak zuritu paperean Tinta beltzez Hilko naz Idazten zuen Bitoriano Gandiaga adiskideaz Oroitu naun, Hitaz bezain Noski, Ene hilko naz bereziaz.
Noizteinka |