Noizteinka
Itxaro Borda
Maiatz, Uhargi 49, 2007ko urria

AZKORRIKOA

Eguna altxatzen da, ekialde gorri

Eta ene ametsak beleen moldean,

Oihuz abesten dio mirakuilu horri,

Bihotz beldurtuaren ikara-oldean.

Zoraturikan nago leihotik begira,

Zuhaitzak itzala nola duen hazten:

Mendia ikusten dut lurraren hegira,

Zure oihan bustia dudala zehazten.

Argia dator gero, hats birla bezala,

Uhartze erraldoia, zimiko samurra,

Urtaraziz hegatsen gaineko gesala.

Goizaldeak oraino, hitsa beza urra,

Larru beroen hatsa biderka dezala,

Musua ezpainetan emanez, laburra.

Noizteinka
Itxaro Borda
Maiatz, Uhargi 49, 2007ko urria