Noizteinka
Itxaro Borda
Maiatz, Uhargi 49, 2007ko urria

OUT

Badakit zure ondoan

Zer eta nor naizen,

Hatsa dudala gogoan

Urrats hori baizen:

Begiak zabalik

Oin biak lurrean

Banabil apalik

Argi elurrean.

Eman dut anitz denbora

Zer eta nor nintzen

Ikasten, zure altzora

Helduz maitemintzen.

Begiak zabalik

Oin biak lurrean

Banabil apalik

Argi elurrean.

Maite dut maite bizitza,

Zer eta nor naizen.

Hegalda bedi gaur hitza

Ahalikan maizen:

Begiak zabalik

Oin biak lurrean

Banabil apalik

Argi elurrean.

Noizteinka
Itxaro Borda
Maiatz, Uhargi 49, 2007ko urria