|
Noizteinka BEHAR DUGUNAZ Bila eta bila aritzen gara Zer bilatzen dugun jada ez dakigula Eta zainetan hausten goaz Holtz hegian jauzi Egiteraino. Eta zeozer atzematen dugunean Metatzen eta bortitz zaintzen dugu Altxorra dela ustez Dagokigunez ere jada ez dakigula Eta zainetan hausten goaz Holtz hegian jauzi Egiteraino. Bat batean ohartzen gara Biluztasun bat garela Ez dugula bizitza salbu Ezeren beharrik: Errauts airakor bat, So anker bat, Aitormen lagundu bat, Armiarmak sarean Gatibatu borondate gabeko Ulutxa bat, Tinta beltz bat, Oinezko GR bideen mapa bat, Ines Intxaustiren zutabe bat, Desolation rowen zinta bat, Wim Wendersen DVD bat, Huntz urrunaren uhuru bat, Esku durduzati bat, Amodio berri bat. Eta oraino amodio berri bat. Ez dugu bizitza salbu Ezeren beharrik.
Noizteinka |