Noizteinka
Itxaro Borda
Maiatz, Uhargi 49, 2007ko urria

ZUBIAK

Gero eta ederrago

Zarela zubi gainean

Zure itzalean nago

Amodioa zainean.

Eta bai, Santizpiritu

Itseskatzen da ekian:

Zazpi arkupe baditu,

Ukimenaren hegian.

Ixurtzen zaio Aturri

Azpitik balakaz, ezti:

Itsasturien hazkurri,

Bedi amodioz bezti.

Lasterka doa Errobi,

Kilika beza Marengo!

Galdea dabil harrobi:

Zure-zurea banengo?

Ibaiak juntatzen dira

Gure urratsak bezala.

Hor nago zuri begira:

Irri horrek ur nezala!

Noizteinka
Itxaro Borda
Maiatz, Uhargi 49, 2007ko urria