XIII. KAPITULUA

Jinkoaren zerbitzuan behar dugun kharraz

ZERBITZARIAK

        Maria Saindua! ezagutzen ditudan zure bizio zirkonstanzia guzietan ematen darozkidatzu debozione kharsuenaren etsenplu hadienak.

        Debozione hark ziñaramatzan urthe guziez Yerusalemerat bazkoko besta handia han egiten zutenean. Harat goateko obligazioneak Joseph zure esposa baizen begiratzen etzuen arren, hari iarraikitzen ziñaizkon.

        Jinkoarenzat zinduen amodioa sobra zen beroa, eginbide hertsi eta premiazko batetan xoilki zu gelditzeko.

        Helas! naizen bezalako arima eskergabea, bertzela ni bizi izatu naiz Jinkoaren alderat. Haren ungi egin guzien despit, ez dut harenzat izatu bihotz bekhaisti bat baizen. Nausi baten oñean manatu behar izatu darot obeditua izateko; eta en homaien ardietsteko.

MARIAK

        Ene haurra, Jinkoa maite duen bihotz batek haren gogara izan daitezken gauzetarik deus ez du egin gabe usten.

        Ez duzu hanitz ezagutzen zer duen merezi zerbitzatzen duzun nausiak; haren alderat labur izan nahi baduzu.

        Ikusazu zer mundutarrek egiten duten munduarenzat; eta ikasiko duzu zer behar zinduken egin Jinkoarenzat.

        Begira diozozu heien lehiyari, ez dituzte guphideste ez penak ez nekheak haren zerbitzatzeko; haren gogara behar denean egin, milla milla bortxa bere buruei egitarat erotzen dire.

        Bañan denean kuestione Jinkoari agradatzeaz, nausi soberano hari zure amodioaren zenbait señalen emateaz; hori da zure begietan nekhe handiegi bat, harenzat zuri zenbait atenzionen galdeitea; da, zuri sobra penen galdeitea.

        Ez da bada ahalkagarri, zuretzat mundutarren eskolarat egor zaitzaten heien ganik ikhasteko, nola behar duzun Jinkoa zerbitzatu?

        Ah! ez dezazula sofri mundua banta dadin khar eta zelo gehiagorekin bere esklaboez zerbitzatua izateaz, kristaben Jinkoa den baño haren ume izateaz profesione egiten dutenez.

        Ez zare, beraz hemendik harat kristau heien balsako izanen, zeñek uste baitute debozione hanitz badutela, Jinkoaren legeak punimenduren penan manatzen diotena hertsiki konplitzeaz kontentatzen direnean. Hañek Jinkoa maitatzen duten baño gehiago beldurtzen dute.

        Ene haurra, bere gastigutan ikharagarria den Jinko hura beldur zazu. ordean beldur izan zaite hain samurra, hain maitagarria den Jinko hura ez duzula asko maitatzen.

        Adiskide batek bere adiskide bero eta karsu batenzat iduk othe zintzake, harenzat egiten ez bazindu adiskidetasunak baitezpada galdeiten duena baizen?

        Yenerosa da amodioa, ez da hura baratzen premiyaz egin behar diren gauza xoilletan. Ungi maite dugunean, gogara egiteko atiza guziez baliatzen gare.

        Jinkoarenzat bazindu amodio karsu karsu bat, harenzat egin ziñezakena, egin nahi zindukenaz gutiago liteke.

        Ungi maita zazu; eta amodioak nekhea arinduko darotzu. Jinkoak arima karsu baten gañerat hedatzen du ganzudura bat; gehien gostatzen zaizkon gauzetan delizioak kausiarazten diotzona.

ZERBITZARIAK

        O ene Ama samurra! zure umeari ardiets diozozu mintzo zaizkidan khar hura, zeonek hain etsenplu handiak eman darozkidatzun ondoan.

        Aithortzen dut ahalkeriarekin, traba mendrenak baratzen nau; desgustuaren edo unhaduraren lehenbiziko tentamenduari amor ematen diot, maiz yenden erranen beldurrak gelditzen, eta graziak inspiratzen darotanaren egitetik gibelatzen nau.

        Ikusten duzu nolako beharra dudan bihotza alxatua izateko. Oxala bada zure lezione salbagarriek ene bihozean pitx balezate amodio karsu hura, zeñarekin baitu merezi zerbitzatua izatea, karitatea bera den Jinkoak.