XVI. KAPITULUA

Komunionearen Medioz Jesus berekin duen arimak, izan behar dituen sentimenduez

MARIAK

        Ene haurra, mahain Sainduan Jesus errezibitu duzun ondoan, eta oraño zure bihotzaren gañean pausatua dagoen denboran; izan zatzu nik hura ene erreietan nazarkenean nituen sentimenduak.

ZERBITZARIAK

        O Maria! Jinko xoillak ezagutzen du nolakoak ziren orduan zure sentimenduak eta zure arima erretzen zuten amodioaren su lamak. Gizonaren ispirituak ezin hek konpreni detzake; mihiya ezin hetaz mintza daiteke. Fedea, humiltasuna, zeloa, ezagutza, karitatea; berthute guziak zure baitan ziren.

MARIAK

        Ene haurra, sentimendu berak zintuzke zuk ere, ungi konpreni baziñeza Jesusek sakramenduan bere burua ematen darotzunean egiten darotzun graziaren balioa.

        Kreatura da bizitatua kreatzailleaz, erromez bat loriaren Erregeaz, arima doloratu bat zeruko konsolatzailleaz, bekhatua baizen ez den gizon bat, saindutasuna bera denaz.

        Nekhez zinoazke presuna baten ganat, ez balu gutiziarik zure ikusteko; bere otxean idukitzen balitu: eta beldur baziñe harn ganik ez duzula errezibituko bagitarte pisu, edo laidorik ere baizen.

        Beraz behera behera zaite zure Jinkoaren ainziñean; auhonda zatzu zure espergabetasun iraganak. Ethorkisuneko galde diozozu bere laguntza; agin diozozu bethiereko leialtasun bat.

        Bozkario garbienaren gaindiduran eman zaite, errekeri zatzu Aingeruak eta Sainduak, arren zure orde Jesusi bihur diotzoten egiten darotzun dohain manifikoaren araberako eskerrak.

        Gutizia zazu hain Jinko samur eta maitagarria zeruan den bezala maitatua eta lorifikatua izan dadin lurraren gañean. Zure bihotza zabal diozozute haren amodioaren khar guziei. Desira zazu hetaz iretsia, konsomitua izatea.

        Egiten darozkitzun fagorien ezagutzazat eta zure herbaltasunaren ondainzat, ofrenda diotzotzu hura sakramendu berean debozione eta amodiorekin errezibitzen duten arima sainduen sentimendu guziak.

        Gogoan erabilatzu mahain sainduan ematen darozkitzun berthutezko etsenplu handiak; beregainki haren humiltasuna. Sakramendu huntan ez xoilki haren Jinkotasuna; bñan haren gizontasuna ere estaliak dire: fedearen begiz baizen deus ez dugu Jesusenetik ikusten.

        Galde diozuzu, onetsaraz diezazun bizitze gorde eta atsekabezko bat. Ihes egin diozozuten ohoriei, handitasunei, distiadurari: zur akzioneak egin detzatzun ikusia eta estimatua izatuko gogorik gabe.

        Sakramendu huntan Jesus, asko yendien arbuioen, harenzat guti, munduarenzat hañitz, bere burubenzat guziak diren bihotz batzuen esaxolatasun eta indiferenziaren objet bat da. Eskadio zozu ixillik eta pazientki iroi etaainjurioen yasateko grazia.

        Horra, ene haurra, zer behar duzun egin Komunionean; zer behar duzun gogoan erabilli Jesus errezibitzeko zoriona izatu duzun egun guzian.