Eusko abendaren poz, gatz eta gogo osasungarriak darizkion Kirikiño'ren Abarra'k, abek berak, orain urte gutxi agertzen ziran alaiturik aberriko tontor ta zokuak. Iñoiz, idazti bat au bezelakorik muturka, burruka, irakurri naiez euskeldunak ibillarazi zituenik, ordu arte azaldu ote zan? Biarrak, eusko biarrak aginduta etziran orduan eskuratzen euskel lanak, artu ta beriala bazterrian beren orriak ebaki gabe uzteko? Loretuta euskel lan abek galtzen eztiran zimurtuak beriala, abertzale abo-zabalen aurrian? Ta urte beltz oietan nola Abarrak bereganatu zuten eusko erria?

        Egun atsegiña ikusi genuena. Guda burruka aundi bat irabaztiak baño on geiago, askoz ere, ekarri zion aberriari egun arrek: len Euzkadi egunerokoakin bezela gero Abarrakin erriaren erraietara, eldu zalako gure Kirikiño.

        Erri ontan euskotar jaio, burutik oñetara, oso osorik, eusko erria ta eusko erriaren izakerari zana ta zubena eskeñia, inork ez bezela Kirikiño'k bere eusko ezaguerarekin gure gizasemeen jaun ta jabe beriala gelditu zan, beste idazlari asko, zatorren antzera, lurpian edo goiko lañuetan zebiltzala, eusko biyotza ukitu eziñik.

        Jaun ta jabe genuben emen; eusko sendien on utserako, ez griña berekorrak bultzata beko ondasun zale izanik. Gizon ona, onik emen ba da, gizon apala, ixilla, goitik bera iñori begiratzen etzekiyena, diruari ta aberatsari bakarrik zekiyen bekoki beltza jartzen.

        Altxa, indartu bazuen euskera inork ez bezela, goratu ta sendotu bazun eusko sendia, bere etxe ta sendiak etzuen Kirikiño'ren berrogei urteko neke izerdiarekin askorik aurreratu. Aneika saldu ziran Abarrak, ontan gaudelako diyot au, eta lauerleko bat bere idazti onengatik eztuen jaso eta ez eskatu ere.

        Euzkadi ta abertzale batzuen bidez ateratzen dira orain bigarren Abarrak, Kirikiño goratu ta utzi zituenei eskerrak nolabait agertzeko asmoan. Bizkaitar zuzen ta bulartsu onekin amalau urte, urte gogorrak, Euzkadin'n egin ditudalako, nere izena ikusi nai luteke emen aberkide oiek, eta poz pozik dijua.

        Euskadi'ren alde, nekatu gabe, Bustintza'rekin irri-parrez, Aberria jasotzen ikasi dezagun. Orixe erakusten digu.

Arantzadi'tar Ingartzi.

Getxon'n, l930, Dagonilla, 5'an.