Isilka misilka
Jakes Ahamendaburu
Maiatz, Uhargi 14, 1988ko abendua

IHESI

Naizelakoan ametsez bizi

amets egiteko naiz bizitzen

ilun estuan zaizkit mamitzen

argira bakan dagite jauzi

Berun eta altzeiru beltzaran

garaian dagigu garraisi

bizitza ez bazaigu amesten

nola gaitezke aurrera bizi

Daukat bakardadea begigo

eta zaizkidanean ametsen

malko izpitsuak isurigo

ezinago naiz nare izanen

Urteak jin urteak ihesi

zait asmamena apur bat josi,

ametsaren lasterra ematu,

oroitzapenen geldoa sortu...

Isilka misilka
Jakes Ahamendaburu
Maiatz, Uhargi 14, 1988ko abendua