Isilka misilka
Jakes Ahamendaburu
Maiatz, Uhargi 14, 1988ko abendua

ETA BIHAR?...

Barda zizkiguten

geure herriko tontorrak bidestatu

larrainak eta zuhaiztiak murriztu

neskatxak hiri ilunetan xarmatu

semeak lantegietan hurrupatu

lupertu ondoren...

Gaur dizkigute

anaiak jotzen, auzoak barruratzen

beldurra eta antsia barreiatzen

erdara beltzaren sarea ehaintzen

nortasunaren gardena idoiztatzen

harri eurite...

Basamortuan

ortzimuga area bezain iheskor

geure herrian

arrotza kazkarroa ainon iraunkor

          bihar...

          bihar?

Ainendi gaur eror

garai lasterrean...

baso ala tontor

oro deusezean...

Isilka misilka
Jakes Ahamendaburu
Maiatz, Uhargi 14, 1988ko abendua