Isilka misilka
Jakes Ahamendaburu
Maiatz, Uhargi 14, 1988ko abendua

MITO BOLU GELDIA

Kristautasun erraldoia gailen

zitzaigun herrira ailegatu

geure mito unibertsoaren

zilborrak zizkiguten xigortu

                                      MARI bihurri

                                      gaur izugarri

                                      bihar ongarri

Oneratu nahirik gintuzten

omen agudo txarramikatu

haiek antzatsu zekarzkiguten

teoriak gu zilibokatu

                                      MARI bihurri

                                      gaur izugarri

                                      bihar ongarri

mendetan zehar horrela ziren

hasi geure aztarnen ihaurtzen

jentil eta mairuak deabrutu

laminen lainoa urreratu

                                      MARI bihurri

                                      gaur izugarri

                                      bihar ongarri

Isilka misilka
Jakes Ahamendaburu
Maiatz, Uhargi 14, 1988ko abendua