Isilka misilka
Jakes Ahamendaburu
Maiatz, Uhargi 14, 1988ko abendua

GEU... GAZTEAK

Herrian lilitzen den lore xugunetik

ezin du gaur ere eki beltzak kiskali

labain zorrotzez sarbaskitu sabelerik

han ez dago... odolak bait ditu estali...

Euskadi zaigu marguldurikan geratu

jaun ator xuridunek gaituzte ireldu

arbuiatzekotz gero zertako maitatu?

hegoak bait gaitu aspaldiko epeldu...

Non zer haiz haurtzaroko adiskide merke?

zertarako haiz hi ere okerreratu?

asmentan kalean genbiltzan jo eta ke

gero azkon maltzurra bait hintzen bihurtu...

Amaigabeko nora ezean gozatsu

hutsan barna maiz herrestaka bagabiltza

bukaera gabekoa dela iraultza

orai dakigulakoan goaz baketsu...

Isilka misilka
Jakes Ahamendaburu
Maiatz, Uhargi 14, 1988ko abendua