Isilka misilka
Jakes Ahamendaburu
Maiatz, Uhargi 14, 1988ko abendua

ERDARA XIXTA

Uholde muskerra itxuran

aldendu zaizkigu basoak

badirudi negua etorri dela

aletu une goxoenak

umatu urrak zuhaitzetan

Orain gaude kontsolaezin

urteak igaro daitezen

isiltasun hutsak oihuztatu gaituela

itxaroak urtu bailiren

nola espetxean HO CHI MINH

Digu aratsetik albara

garaiak tristeki abesten

beste OTXOZELAI batean gara sartuko

nago noiz den Eiheralarren

hautsiko akulu ankerra

Geure baserri zizpilduan

dabila erdara zutunik

ele zaurituen baladan dut sinetsiko

genentzuen ikusi barik

euskararen deia ortzean...

Isilka misilka
Jakes Ahamendaburu
Maiatz, Uhargi 14, 1988ko abendua