Isilka misilka
Jakes Ahamendaburu
Maiatz, Uhargi 14, 1988ko abendua

GOLKO SAGAILO

Orri xuhailaren

ildo garbietan

perpaus puskatuen

joskera sortzean

                            Golkoa zalantzan

                            eskua ikaran...

Gaueko boladetan

asmamen otzarean

hitzen erantsia

hizkien magia

                            Golkoa zalantzan

                            eskua ikaran...

Hizki mizkien harian

imajinaezinean

poesiaren oreka

galkorrean titikaka

                            Golkoa zalantzan

                            eskua ikaran...

Amets hostailan gorderik

irudi adarretik

harira ezin jaitsi

mamia ezin kausi

                            Golkoa zalantzan

                            eskua ikaran...

Bainan gau trinko hartan

ilargia loretan

asmamena eskura

zitzaidan nareki irristatu

gogoa alegera

ildo ixila nuen urratu

Luma paperean

zegoen zenean

gauaren hilean

nengoen eztitan

                            Golkoa zalantzan

                            eskua ikaran...

Isilka misilka
Jakes Ahamendaburu
Maiatz, Uhargi 14, 1988ko abendua