Isilka misilka
Jakes Ahamendaburu
Maiatz, Uhargi 14, 1988ko abendua

DELIRUM

Laminen eresi

lanzinantea

nentzuen gau estu oroetan

eta

geure zuhaixka bi kuttunei

ostoak zaizkienean orbeldu,

lo ezin ezean,

kaleko zaunka eta mauken artean,

desgaraiako uhartera ailegatu lehian,

orduan soilik

zitzaidan iruditu

munduko zilborrera

hurrantzen ari nintzela,

orduan bakarrik

nintzen zeure sabelpe xamur

erakarpengarriaz ohartu...

eta

sabai txoko ilunenako

euriz eta argiz

ehaindako amaraunean,

neure aragi guztia

zitzaidan iziotu...

lainoaren hastasunean

patxadatsu nuen

neure bizi antzutuari

jarraipen egoki bat amestu...

Isilka misilka
Jakes Ahamendaburu
Maiatz, Uhargi 14, 1988ko abendua