Isilka misilka
Jakes Ahamendaburu
Maiatz, Uhargi 14, 1988ko abendua

AKABERA

Itxesak arrantzaleari

nazka ematen dion legez

itsaspera egin beldurrez

eskuak lotu bizitzari...

Hilikitegietan giza hiro

atsoheria bezain naharo

bidean hezurrak ikur makurka

gauean iratxoak intzirika...

Geure oinatzak elurrean urtu arau

ezdeustatzen maztail irekien lurrina

atsegin neska histuen sabelpe mina

zautzan hilotz ospelak... haize hotzak dirau...

Labainez zarrastatu larru perdekarak

herio-zelaieko dangada estua

neguko eki-izpi iraungarriak

itxaro antzuen zapore umatua...

Isilka misilka
Jakes Ahamendaburu
Maiatz, Uhargi 14, 1988ko abendua