Isilka misilka
Jakes Ahamendaburu
Maiatz, Uhargi 14, 1988ko abendua

IRUDI ZIKLOI

Ganerako

leihotila xokoan

gaueko lipua

itxaro amarauna

ilargi xurian

zihoan ehainduz...

Sotoko

dupa azpitik

sakontasuneetako

sagutxoak

altxorra jolasean

zegien barre

urratu arte argia...

Ganberako

ilunbe trinkoan

hor bertan

nengoen

maitemindurik

eta eguna

gaueratu orduko

negar malko beroak

zitzaizkidan irristatzen...

Gaur neukan

ezaxoltasunak

estualdi-ildo minbera

zidan sakon goldetu...

Metropoli su kliskeetan

murgildurik

baso elkor ixilkoietan

hatsangoturik,

beti maitemindurik...

      Lipuak

      ehaitu zidan

      zilbor harian

      geure sagutxo maitea

      orekan dantzan...

Armiarmuak

uli nekatua

gakatu

      Sagutxoak

      gari alea

      eriden

Gau hartan

pitxiki

zitzaidan iduritu,

kirats ala lurrin

nabar ala kolore bakarreko

irrits ala patxada,

neure aiurria

aluzinazio alfa labirentoa

besterik ez zela...

Isilka misilka
Jakes Ahamendaburu
Maiatz, Uhargi 14, 1988ko abendua