|
Isilka misilka HARITZ ORBEL Arratsalde apalea GERNIKA asteroko azoka gizataldez betetako kaleak baserritar asko zohardia ainarak itzuli mitzulika umea goserik esnatu paseotxak zigarreta biltzeak sal erosketen letania xahala merke porrua garestiegi kalearen behera Gernikar gaztetxo bipilak «amar jokotarik goaz» egunerotasun sakratua... BAINAN zerua goibel lurreratu — deus ez balitzan lez — sapaiaren erramazku heinkel... junker junker... heinkel Kondore legio ankera txitukada etengabeak epai une jasangaitzak Ortzean, faxismoaren maskara diabolikoa... Obusak eslaika amiltzen behin eta berriro granaden eztanda garratzak sapai zimurtuan, hegazkin milatuen zurrumurrua hirian barrena, izu txilio luze mingarrak ihesari emateko alperrezko olde motzak leherrauts kirastua polbora malutak firurikan infernu uherra fosfoaren su-ausiki suntsikorra odol eta izerlika irakinduran haurñoa eiagoraka... aho lehorrez kealdi labangaitza zartagailuen amaigabeko erantsia bonbaketa itsua auhen, intziri, oihu... histeri giza errabia basakeri primitiboa iraultza bestelakoa labain judasa zakur txingartuen uhuriak aberen hilorroak gizasemearen agonia sendi aldenduen antsia... arnas, angusti estua hauts kiskalien zurrunbiloa alfa kaosa... okerreria ... Oskorri aldera, amasabelaren gau isiltia ... geure zilbor-heste ebakia... GERNIKA, zeure mastail sakon samina zeure zuhaitz tximistatua zeure orbain lehorrezina geure nortasun zigortua gaur asma ez zindezake inondik golkoa zenbat daukan ilundurik ... oraino noraino... ZARA, urteak geroago odola sutsuago geure izatiaren testigu geure oinazen oroimen margu Aberekeriaren orratzek etengabeko itzuli mutirriak daramazkigula oraindixek memorio urduri gabiltzak Eta zu Gernikar agure irudi izeki gaurregun ere soa erre lorik ezin aurki Isilean gaur ahaztezin zaitugulako Agirian gara bihar gailen geratuko Faxismo itsuaren aizkor diabolikoa malkortu geure sustrai sendoen iturri sinbolikoa satsutu Gernikan haien krimen hots alperrikoa gelditu denboraren garra epaile bakarra... Zenbat ote ziren jakinean zergatik ez dezagun egin hanka dagozkigu gaur auhenka Gernikar hilikitegi zulo barrutik Geure lurrean lirainduz doa itxaroaren landaretxoa...
Isilka misilka |