Isilka misilka
Jakes Ahamendaburu
Maiatz, Uhargi 14, 1988ko abendua

MITOEN ALTZOAN

    Harpe hertze bakartiak

    geure aztarnen habiak

Ilargi bete

asteazkena eta ostirala

arbasoen akelarre ahanztua

Adatsa

bularrak

sabelpea

likits gorrailez

lehunki estaliz

lur

ligatsuaren

zaborea somatuz...

                            ... sustrai asmakizun

                                sorgian iboildurikan

                                behialako akelarren

                                ortze muga urrutiak

                                nituen

                                arkaitz higatuetan

                                grabatu...

Zara

betiereko

geldituko

leize

arroka

gatibu

Eta

ez du inork

zeure auhendua

haboro entzungo

eta

ez da zutaz

inor oroituren

                    orain inork

                    ezin lezake aurki

                    zeure herrestoa

Nafarroako

zelaietan beheruntz,

harantza eta honantza,

blai nindoan

zu Akerbeltz

ikusi,

eriden ezinik...

                  ... denboraren legeak

                      zuen Zugarramurdiko

                      soka dantza ebaki...

Gau izarreztatuan

neure fantasma esekien sua

zihoan ezti ezti abailduz

                  ... haietaz beldur

                      banengo legez...

Gaur soilik

amets egin bait daitezke...

Isilka misilka
Jakes Ahamendaburu
Maiatz, Uhargi 14, 1988ko abendua